Schöni Sunneblueme, du lachsch de Himmel aa

1. Schöni Sunneblueme, du lachsch de Himmel aa.
Baum mit vilne Bletter und rote Öpfel dra.
Saftig grüeni Greser, die tanzed fiin im Wind.
Lueg, wie rot und gluschtig und fein d Erdbeeri sind!

Refrain:
Freu di a de Schöpfig, wo Gott für eus hät gmacht,
all die Tier und Pflanze i dere Farbepracht.
Gott hät alls so schön gmacht,
damit mir chönd verstah:
Er liebt alli Mänsche,
isch immer für eus da.

2. Elefant, du tramplisch und rollsch din Rüssel ii.
S Müüsli piipslet liislig, isch nume winzig chlii.
Rosaroti Säuli, die grunzed fuul im Heu.
Mit de schöne Mähne strahlt er, de starchi Leu.

3. Höch bäumed sich d Wälle und schuumed wiiss am Strand.
Hell und warm schiint d Sunne, si strahlt durs ganze Land.
Gott hät für eus Mänsche en Rägeboge gmacht
und au Mond und Sterne, wo lüüchted i de Nacht.