Es lauft en Maa durs Stedtli

1. Es lauft en Maa durs Stedtli
und bringt en helle Schii
vo Wahret und vo Liebi
vor jedi Türe hii.

2. Er chlopft und rüeft so fründlich
und bliibt verusse stah:
«Isch da en Maa, es Chindli,
wo mich wott inelaa?»

3. «Für dich und dini Sünde
bin ich uf d Erde cho,
dass du mis Heil chasch finde
und glücklich wirsch und froh.»

4. Oh, gang, spring schnäll a d Türe,
du muesch en inelaa!
Chumm us em Dunkle füre,
nimm sini Botschaft aa!

5. Susch gaht de Heiland wiiter
und au sin helle Schii.
Du müesstisch Sünder bliibe
und ganz im Dunkle sii!