Wer isch de Gascht, wo alles cha?

1. Wer isch de Gascht, wo alles cha?
Us Wasser laat la Wii entstah?
Es isch de Herr, am Fäscht debii,
er, wo de wichtigscht Maa sött sii.

Refrain:
Wettsch du ihn gseh? Los, er chlopft aa.
Machsch du ihm uuf, dänn dänk nu dra:
Er freut sich i dis Herz ie z cho,
er macht dis Läbe hell und froh.

2. Wer isch de Gascht, wo Zöllner bsuecht,
wo als de Heiland Sünder suecht
und rettet, was verlore isch?
De Herr isst mit de Lüüt am Tisch.

Refrain: Wettsch du ihn gseh …

3. Wer isch de Gascht, wo lehrt und redt,
dä, wo mer liebt und lose wett,
ihm dient und schafft und gnueg uuftischt?
Es isch de Lehrer Jesus Chrischt.

Refrain: Wettsch du ihn gseh …

4. Vor wäm e Frau uf d Chnüü hiifallt,
ihm dankbar d Füess wäscht und dänn salbt?
Nöd däm, wo au Prophet wird gnännt,
wo d Sünd vergit und d Herze kännt?

Refrain: Wettsch du ihn gseh …

5. Wer isch de Gascht, wo gstorbe isch
und wo jetz läbt? Nöd Jesus Chrischt?
Tatsächlich! Er isch cho so treu,
seit zu de Jünger: «Fride eu!»

Refrain: Wettsch du ihn gseh …