Mit je eim Paar vo jedem Tier

1. Mit je eim Paar vo jedem Tier
stiigt de Noah i sini Arche ie.
Und Gott sälber schlüüsst ihm d Türe zue.
Da drufabe rägnets wie no nie.

Refrain:
Dänn de Noah macht, was Gott ihm seit
und er wird i sim Schiff über s Wasser treit.
De Noah macht, was Gott ihm seit
und er wird i sim Schiff über s Wasser treit.

2. Vom Müüsli bis zum Elefant
finded alli Tier ihre eigni Platz.
Dänn für vili Täg und vili Nächt
büütet d Arche Wohnig jedem Spatz.

Refrain: Dänn de Noah macht …

3. Nach dere lange, lange Ziit
hört de Räge dänn wider uuf und macht,
dass de Noah us de Arche cha,
und Gott dankt für das, was er hät taa.

Refrain 3:
So mach au du, was Gott dir seit,
dänn wirsch du vo ihm sälber durs Läbe treit.
So mach au du, was Gott dir seit,
dänn wirsch du vo ihm sälber durs Läbe treit.