Mis Herz isch wie es Stückli Land

1. Mis Herz isch wie es Stückli Land
im Morgesunneschii.
Da streut gar mängi liebi Hand
vom guete Same drii.
Er fallt in Bode liis und fiin
und bringt, wänn er cha bliibe drin:
schöni, schweri, vil und gueti Ähri.

2. Es flüüged Chräje übers Land
und stönd uf d Erde druf.
Si picked alli mitenand
de Same wider uuf.
Du guete Sämaa schüüch si wägg,
ich möchti, dass mis Läbe gäb:
schöni, schweri, vil und gueti Ähri.

3. Wänn Gottes Wort im Bode drin
cha richtig Wurzle schlaa,
dänn wirds im Herzli frisch und grüen,
s neu Läbe fangt dänn aa.
Dänn luegt de Heiland sälber naa,
dass so es Herzli bringe cha:
schöni, schweri, vil und gueti Ähri.