Min Körper isch e gueti Sach

1. Min Körper isch e gueti Sach,
was ich demit doch alles mach:
Cha überalle umegah,
cha ränne, sitze oder stah.

Refrain:
De Körper bewegt sich, de Körper hät Glänk.
Wer hät ächt, wer hät ächt das Wunder uusdänkt?
S isch Gott, s isch min Schöpfer, min Meischter und Herr.
Ich dank dir für alles, was du mir häsch gää.

2. Was wär ich für en arme Tropf,
wänn ich kei Auge hett im Chopf!
Und mit de Nase schmöck ich guet,
wänns Mami öppis bache tuet.

Refrain: De Körper bewegt sich …

3. Au mini Finger, die sind gschickt,
und s Spile händ si au erlickt.
Und d Füess, die springed umenand,
si sind so wichtig, gnau wie d Hand.

Refrain: De Körper bewegt sich …

4. Und d Ohre, ja, die ghöred guet,
wänn öpper Musig mache tuet.
Und s Herz, das chlopfet mitte drin.
Ich frög, ob ich keis Wunder bin.

Refrain: De Körper bewegt sich …