Ja, ja, ja, ja, ja! De Duume zeigt mir aa

1. Ja, ja, ja, ja, ja!
De Duume zeigt mir aa,
was alles super gloffe isch.
«Drum dank ich dir, Herr, dass du güetig bisch.»

2. Mei, mei, mei, mei, mei!
De Zweiti, dä seit nei!
Er zeigt mir, wo no Böses isch.
«Ich wetts dir bekänne und du vergisch.»

3. Gross, er isch so gross,
de Mittler isch so gross.
Ich weiss, dass Gott vil grösser isch.
«Ich lobe dich, wil du so herrlich bisch.»

4. Lueg, da häts en Ring.
Am Vierte isch das Ding.
Ich dänk dra, wer mir wichtig isch.
«Ich bitte dich, dass du eus jetz umgisch.»

5. Chlii, er isch so chlii,
de letschti isch wie i.
«Ich bin no chlii und drum so froh,
dass ich au als Chliine zu dir dörf cho.»