Im Früehlig blüeht de Öpfelbaum

1. Im Früehlig blüeht de Öpfelbaum.
S Finkli bout sis Näscht.
Und d Wise isch voll Löwezah.
Au d Spatze händ es Fäscht.

Refrain:
Gott begleitet eus durs ganze Jahr,
durs ganze Jahr.
Gott begleitet eus, das isch wunderbar.

2. Im Summer lacht eus d Sunne aa.
Gumped mer in See!
De Summervogel flüügt dur d Luft,
er hät e Blueme gseh.

3. Im Herbscht sind d Bletter gäl und rot,
wirbled wild im Wind.
Und s Eichhörnli im Wald suecht Nüss.
De Igel versteckt sich gschwind.

4. Im Winter tanzed d Flöckli fiin,
alls isch glitzrig wiiss.
Mir leged Chappe, Händsche aa
und spiled mit Schnee und Iis.