Ich wett, ich hett de Herr Jesus gseh

1. Ich wett, ich hett de Herr Jesus gseh
dur d Stedt und d Dörfer gah.
Ich wär im Huus, uf de Strass, am See
und überall ihm naa!

Refrain:
Nur bim Herr Jesus bliibe,
nur bim Herr Jesus bliibe!
Das wär mini gröschti Freud:
Nur bim Herr Jesus z bliibe!

2. Ich hett ihm all mini Freude gseit
und jede grossi Schmerz.
Dänn hett er d Hand uf de Chopf mir gleit
und hett mich druckt as Herz!

3. Vilicht hett er mir e Gschicht verzellt,
das hät er so gern taa!
Dänn hett er mich uf de Bode gstellt,
hett müesse wiitergah!

4. Hüt chan ich dich, min Herr Jesus Chrischt
nöd mit de Auge gseh.
Doch weiss ich scho, dass du bi mer bisch,
was wott ich au na meh!

5. Bin ich im Huus, uf de Strass, am See,
so luegsch mer fründlich zue!
Ich wett, wie wänn ich dich chönti gseh,
nur na din Gfalle tue!