I de Stedt und i de Dörfer dunkel wirds

1. I de Stedt und i de Dörfer
dunkel wirds. Es lösche sich d Liechter.
Und der Mond schiint uf de Fälder.
Es wird Nacht. Alls chunnt zur Rueh.

2. I der Villa und im Schlössli
dunkel wirds. Es lüüchtet es Stärnli.
Und me schlüüft is warme Bettli.
Es wird Nacht. Alls chunnt zur Rueh.

3. Ir Baragge und em Hüüsli
dunkel wirds. Es piipset es Müüsli.
Und me schliesst die müede Äugli.
Es wird Nacht. Alls chunnt zur Rueh.

4. Gott isch wach, macht nie es Päusli,
nid ir Nacht und ou nid em Sunnti.
Er isch da, wird mir ganz nooch sii.
Danke, Herr! I chumm zur Rueh.