Gross und starch und muetig

1. Gross und starch und muetig wett ich so gern sii.
Ich chan nonig alles, ich bi halt na chlii.
Aber ich bin wertvoll, einzigartig guet.
Jesus cha mi tröschte, macht mir immer Muet.

Refrain:
Ich bin es Chind vo Gott em Vater,
und Jesus hät mich gern.
Ja, er gseht mich und er ghört mich.
Er weiss gnau, was ich alles cha,
wie vil Haar, dass ich grad ha,
ob ich gross bin oder chlii,
glückli oder truurig bii.
Und er isch immer, immer für mich da.

2. Ich wett so vil wüsse, min Chopf isch na leer,
und sött so vil lerne, doch das fallt mer schwer!
Aber tüüf im Herz drin, isch min gröschte Schatz,
dänn ich weiss: Bi Jesus isch min beschte Platz.