Grase, grase, grase, ich bin es Schaf

1. Grase, grase, grase, ich bin es Schaf.
Ich bruuch z ässe, z trinke und au gnueg Schlaf.
Alles git mir de Herr, min Hirt.
Ich weiss, dass mir nüüt fehle wird.

2. Folge, folge, folge, ich folg ihm naa.
Er füehrt mich, ich weiss, er laat mich nöd stah.
Au wänns dunkel wird um mich her,
han ich kei Angscht, er isch min Herr.

3. Stab und Stäcke, die sind i siner Hand.
Er tuet pfläge, füehre i fremdem Land.
Muess er mängisch au strafe mich,
ich weiss bestimmt, er liebt mich gliich.

4. Er git mir jetz alles, was mir guet tuet.
Bis as Läbesändi gang ich voll Muet.
Dänn, wänn ich ändlich wohn bi ihm,
im Vaterhuus ich zfride bin.