Es isch emal vom Himmel

1. Es isch emal vom Himmel
zu eus de Heiland cho
und hät i grosser Liebi
de Mänsche sich aagno,
de Mänsche sich aagno.

2. Uf allne sine Wäge
hät er so vil Guets taa,
wer ihn um Hilf hät bittet,
dä hät er nöd verlaa!

3. Er hät die Chranke gheilet,
hät Toti uuferweckt
und gar em Sturm befohle,
wo d Jünger hät verschreckt!

4. Zletscht isch er au na gstorbe
für d Mänsche gross und chlii:
Isch das nöd grossi Liebi?
Chönt si na grösser sii?