1. Es git en Ort, dert isch es nie meh Nacht,
dert hesch kei Angscht, dert bisch du nie elei.
Es git en Ort, wo niemer di uuslacht,
dert muesch du nie meh brüele, für immer bisch dehei.
Refrain 1 + 2:
Drum freu di druuf!
Es wird genial, wenn dert am Ziel du acho bisch.
Ja, freu di uf dä Ort!
Es wird genial, wil dert di Heiland isch.
2. Es git en Ort, dert tuesch der nie meh weh,
dert gits ke Stritt, dert ghörsch du nie es Gschrei.
Es git en Ort, dert machsch ke Fähler meh,
dert muesch du nie meh furt goh, für immer bisch dehei.
3. De Himmel isch dä wunderbari Ort!
So strahlend hell, wil Jesus dert wird sii.
Er wartet scho, das seit üs Gottes Wort,
möcht üs id Arme schliesse. Wer möchti nid derthii?
Refrain 3:
Ja, freu di druuf!
Es wird genial, wenn dert am Ziel du acho bisch.
Ja, freu di uf dä Ort!
Es wird genial, wil dert di Heiland isch.