De Noah rüeft mit luuter Stimm

1. De Noah rüeft mit luuter Stimm
vom Hügel obenabe:
«O chömed doch, ihr liebe Lüüt,
s isch höchschti, allerhöchschti Ziit,
i mini Arche ine, da ine.»

2. Doch d Mänsche lached en nur us
und rüefed zu ihm ufe:
«Du chasch eleige inegah.
Mir wänd na s Läbe gnüsse da,
es gfallt eus guet da usse, da usse.»

3. Do gaht de Noah truurig furt
zu sine Lüüt i d Arche.
Gott sälber schlüüsst jetz d Türe zue.
Die dinne sind i sichrer Rueh,
doch dusse fangts a rägne, a rägne.

4. So will im Heiland Jesus Chrischt
Gott hüt na Mänsche rette.
Und jede, wo ihm glaube tuet,
dä wird beschützt und häts drum guet:
Er muess keis Gricht meh fürchte, meh fürchte.