Da staht en Esel

1. Da staht en Esel, er isch no jung,
niemer isch je druf gsässe.
Plötzlich zwei Fremdi ihm säged: «Chumm,
mir müend dich jetz grad mitnäh.»
I-ah, i-ah!
«Jesus, de Herr, er bruucht dich.»
I-ah, i-ah!
«Jesus, euse Herr, er bruucht grad dich.»

2. Jetz wird de Heiland dur d Strasse treit,
sitzt uf em Esel obe.
D Jünger händ Chleider an Bode gleit,
und tüend Gott freudig lobe.
I-ah, i-ah!
«Lobed de Gott, wo Guets tuet!»
I-ah, i-ah!
«Lobed euse Gott, wo Wunder tuet!»